
Elbasani ka mbyllur sot përgatitjet për ndeshjen e nesërme në shtëpi. Të besuarit e Bordin janë stërvitur në kompleksin sportiv "Shefqet Lamçja" ku para pak ditësh sfiduan Turbinën e Cërrikut për llogari të kompeticionit të dytë për nga rëndësia të futbollit shqiptar.
Futbollistët e elbasanit bënë nxehje fizike, vrapime dhe bashkëpunime në grup lojtarësh me pasime apo edhe futje në mes. Ze Gomes u pa tepër aktiv duke shfrytëzuar mundësinë e përmirësimit në kampionatin "Abissnet Superiore". Elbasanasit do të jenë në stadium për të mbështetur ekipin e qytetit që po kalon një formë që kishte vite që mungonte.
Mbetet për t'u parë nëse partizani do të mposhtet në një qytet që e dashuron futbollin dhe përballë një Elbasani të mirëorganizuar dhe që kërkon të vazhdojë serinë e rezultateve pozitive si në kupë dhe në Superiore.