Elbasani është një nga ekipet më aktive në këtë merkato verore. Klubi verdheblu deri më tani ka bërë afrime mjaft të bujshme dhe cilësore, të cilat do ta ndihmojnë për të qenë një rival i denjë në Superiore.
Por Elbasani nuk ndalet me kaq. Klubi verdheblu është shumë pranë firmës me Ze Gomes. Sulmuesi me origjinë nga Guinea Bissau, por i natyralizuar si portugez është në bisedime me drejtuesit e klubit të Superiores.
Palët janë shumë pranë marrëveshjes dhe 25 vjeçari pritet të firmosë nga momenti në moment.
Kjo padyshim mund të quhet një goditje në merkato, pasi Ze Gomes është një sulmues i dalë nga akademia e Benficas. Gjithashtu, Gomes ka veshur edhe fanellën e Portimonense, Lechia Gdansk, Cherno More, Seregno, CFR Cluj, U Cluj, Ethnikos dhe Chornomorets.
Lexo gjithashtu
