Egnatia fitoi titullin kampion përballë Partizanit dhe sigurisht të gjithë rrogozhinasit janë në “qiellin e shtatë”. Por titulli kampion i fituar nga skuadra e Edlir Tetovës nuk festohet vetëm në Rrogozhinë, por edhe në Kukës.
Po, po në Kukës. Verilindorët festojnë nga divani i shtëpisë për titullin kampion të Egnatias. Kjo pasi automatikisht verilindorët jenë pjesmarrës në një tjetër finale. Tashmë Egnatia dhe Kukësi pas finales së Kupës së Shqipërisë, ku rrogozhnasit dolën fitimtarë, do të sfidohen sërish mes tyre këtë herë në Superkupë.
Kjo pasi rregullorja thekson se në rast se një ekip brenda një sezoni fiton edhe titullin edhe Kupën, në finalen e Superkupës së Shqipërisë do të luajë finalisti i Kupës. Në këto kushte Kukësi fiton të drejtën për të luftuar për një tjetër trofe pavarësisht se në sezonin e ri do të luajnë në Kategorinë e Parë.
Lexo gjithashtu
