Tirana do të luajë në fundjavë kundër Teutës, ndeshje e vlefshme për javën e tetë të Superiores. Një sfidë që pritet me mjaft interes teksa durrsakët do të tentojnë të marrin një fitore në shtëpinë e tyre "Niko Dovana". E në fakt historia flet në anën e tyre, pasi prej shumë kohësh, bardheblutë nuk kanë mundur të marrin një fitore.
Triumfi i fundit i kryeqytetasve daton në 2 mars të vitit 2022. Asokohe Tirana drejtohej nga Orges Shehi dhe në skuadër kishte një lojtar si Taulant Seferi. Ishte pikërisht sulmuesi i njohur që i ka dhënë fitoren e fundit bardhebluve me një 2-golësh të realizuar në triumfin 0-2 në transfertë me Teutën.
Tashmë pritet të shihet nëse kryeqytetasit do të thyejnë tersin 2-vjeçar, me një trajner të ri në pankinë si Bledi Shkëmbi. Ndeshja Teuta - Tirana është programuar të zhvillohet të dielën në orën 19:00, në stadiumin "Niko Dovana" të Durrësit.
Lexo gjithashtu
