Teuta dhe Vllaznia barazuan me njëra-tjetrën në ndeshjen e vlefshme për javën e 32-të të “Abissnet Superiore”. Sfida që u zhvillua në stadiumin “Niko Dovana”, përfundoi me rezultatin 0-0. Pas kësaj sfide, për mikrofonat e MCN TV ka folur trajneri i Teutës, Edi Martini.
“Sot shihej që ishte ndeshje e tensionuar, të dyja ekipeve iu duheshin pikët. Vllaznia kënaqej me barazim sepse e ka mbarë kampionatin, por ne duhej të fitonim. Vllaznia luante me topa te Balaj, ne nuk vendosnim topin nën kontroll. Mendoj se barazimi është rezultati i drejtë”, tha fillimisht Martini.
Ju intereson juve barazimi?
“E kërkoja me ngulm ta fitoja këtë ndeshje dhe mendoja se do ta fitonim duke parë edhe formën e Vllaznisë. Edhe pse Vllaznia kishte bërë rotacione, sigurisht që kishte kualitete brenda”.
Meritonte më shumë Teuta?
“Absolutisht po, mjaftojnë golat që kemi pësuar në sekondat e fundit, apo penalltitë që kemi humbur. Do të kishim qenë në katërshe pas asnjë problem. E kam pishman këtë, por fatit nuk mund t’i kundërvihemi”.
Lexo gjithashtu
