Tedi Cara është lojtari më i ri i Oleksandrias në Ukrainë. Pas shumë aludimeve dhe fjalëve të merkatos, gjithçka e ka konfirmuar drejtori sportiv i klubit ukrainas, Ivan Telko. Ky i fundit ka konfirmuar gjithçka, duke e cilësuar Carën si lojtarin e tyre më të ri.
Në një prononcim të dhënë për mediat ukrainase, Ivan Telko ka thënë se sulmuesi i Partizanit, është transferimi i parë i Oleksandrias për merkaton dimërore. Ndër të tjera, Telko e quan Carën edhe “artistin e tyre të ri”.
“Tashmë kemi transferimin e parë. Sipas nesh, ky është një anësor mjaft i kualifikuar nga Shqipëria, nga skuadra e Partizanit. Ky është nënshkrimi ynë i parë, artisti ynë i ri. Jemi të lumtur që e mirëpresim dhe urojmë nga distanca të tregojë më të mirën. Kjo është sit ë thuash një deklaratë zyrtare, ai tashmë është lojtari ynë”, ka thënë Telko.
Lexo gjithashtu
