Dinamo është një tjetër ekip që i rikthehet stërvitjeve për sezonin e ri. Dritan Mehmeti dhr stafi i tij kanë vendosur që pasditen e sotme të nisin zyrtarisht përgatitjet për sezonin e ri.
Shumë ndryshime ka në skuadër, ku lojtarë të rëndësishëm janë larguar nga “Blutë”. Gjatë merkatos së verë drejtuesit kanë arritur të bëjnë 4 afrime. Bruno Dita është prezantuar para disa ditësh, teksa e njëjta gjë pritet të ndodhë edhe me Teqjan, Mandelan dhe Qardakun, ku do të nisin aventurën e re te dinamovitët.
Pjesë e fazës përgatitore priten të jenë 30 futbollistë, ku sigurisht disa prej tyre do të jenë në provë nga Mehmeti dhe stafi i tij. Jo të gjithë do të bëhen pjesë e ekipit të parë, me skuadrën do të bashkohen vetëm ato që arrijnë të bindin stafin.
Lexo gjithashtu
