Vangjel Zguro është lojtari më i ri që ka arritur marrëveshjen me Partizanin duke u zyrtarizuar si futbollist i nënkampionëve. Mëngjërashi është një emër i njohur për futbollin shqiptar teksa është aktivizuar me disa skuadra në vendin tonë. Ai ka qenë thuajse gjithmonë në qendër të vëmendjes në sesionet e merkatos.
Madje, disa vite më parë, Zguro ishte pranë firmës me klubin e Partizanit. Asokohe, të kuqtë arritën marrëveshjen me të në orët e vona të natës, por kur erdhi momenti te firma, palët nuk u dakordësuan.
Megjithatë, gjithçka duket se është lënë pas dhe tashmë Vangjel Zguro është futbollisti më i ri i Partizanit. Edhe pse tifozët kanë qenë kundër kësaj zgjedhje nga drejtuesit, me sa duket ata janë detyruar të firmosin me pogradecarin për shkak të afrimit të Kupave të Europës. Pritet me interes të shihet se si do të jetë performanca e tij në Conference League, kompeticion ku të kuqtë janë kualifikuar.
Lexo gjithashtu
