Futbolli shqiptarë ditën e sotme është zgjuar me një lajm të trishtë. Është ndarë nga jetaa në moshën 58-vjeçare ish-sulmuesi i njohur, Hekuran Jakupi.
Ky lajm ka tronditur të gjithë sportdashësit. Për këtë humbje ka reaguar edhe Armand Duka. Kreu i FSHF-së ka ngushëlluar familjen dhe të afërmit, ndërsa nënvizon se futbolli shqiptar ka humbur një pasionat, i cili bëri të gjithë të donin golat e tij.
“Me hidhërim të madh mora lajmin e ndarjes nga jeta të Hekuran Jakupit, ish-sulmuesit që bëri mijëra tifozë të festonin golat e tij gjatë kohës që mbronte ngjyrat e skuadrave të ndryshme si Elbasani, Teuta, Tirana, Erzeni dhe Bylisi.
Futbolli shqiptar humbi një njeri pasionant gjatë kohës që luante në fushë. Me të njëjtin pasion ai vijoi të përkushtohej në botën e futbollit, duke punuar në përgatitjen e brezave të rinj si trajner.
Në emrin tim dhe të Federatës Shqiptare të Futbollit i shpreh ngushëllimet e sinqerta familjes, të afërmve dhe miqve të Hekuranit!
I përjetshëm qoftë kujtimi i tij!”, ka shkruar Duka.
Lexo gjithashtu
