Marc Cucurella ka mbajtur fjalën e dhënë gjatë rrugëtimit të Spanjës drejt triumfit në Kupën e Botës 2026. Mbrojtësi spanjoll ka realizuar një tatuazh të veçantë në nderim të trajnerit Luis de la Fuente, i cili udhëhoqi “La Rojën” drejt trofeut më prestigjioz në futboll.
Cucurella kishte premtuar se në rast të fitimit të Botërorit do të përjetësonte në trup figurën e trajnerit të tij, si shenjë mirënjohjeje për rolin që pati në suksesin historik të Spanjës. Tashmë është zbuluar edhe dizajni i tatuazhit, ku shfaqet portreti i De la Fuenten pranë trofeut të Kupës së Botës.
View this post on Instagram
Për mbrojtësin spanjoll, ky nuk është thjesht një simbol i një premtimi të mbajtur, por një kujtim i përhershëm i një momenti historik për kombëtaren. Cucurella kishte bërë të ditur më herët se tatuazhi do të ishte i vogël, por në një pjesë të dukshme të trupit.
Ndërsa pjesa më e madhe e lojtarëve të Spanjës po shijojnë pushimet pas suksesit të madh, Cucurella ka zgjedhur një mënyrë të veçantë për të festuar dhe për të nderuar trajnerin që e çoi ekipin në majën e futbollit botëror.
