U largua nga Teuta, përshëndetje speciale nga lojtari i Luftëtarit: Gëzuar Baftjar

Eri Lamçja u largua nga Teuta në këtë merkato dimri, për t’iu bashkuar skuadrës së Luftëtarit që drejtohet nga trajneri Mlladen Milinkoviç. Sulmuesi i gjirokastritëve ka gjetur një ambient pozitiv te skuadra gjirokastrite dhe këtë e ka treguar edhe në fushën e blertë me lojën e zhvilluar.

Së fundmi ai ka postuar një foto në llogarinë e tij në Instagram, ku shfaqet në një lokal dhe sigurisht nuk mund të mungonte edhe urimi i tij për të gjithë ndjekësit: “Gëzuar Baftjar”, shkruan Lamçja duke përmendur një nga shprehjet që qarkullon në rrjetet sociale, e marrë shkas nga një këngë e hedhur së fundmi në tregun muzikor.