Napoli u eliminua nga Kupa e Italisë nga skuadra e Cremonese e cila arriti të mposhte liderit e Serie A. Një eleminim që ka surprizuar jo pak tifozër, por edhe vetë skuadrën napolitane.
Pas kësaj humbjeje trajneri Luciano Spalletti do të theksonte se janë shumë të zhgënjyer, ndërsa nënvizoi se skuadra e tij nuk i shfrytëzoi rastet siç duhet për të mbyllur ndeshjen.
“Na vjen keq dhe jemi shumë të zhgënjyer pas këtij eliminimi. Duhet që gjithnjë ta menaxhojmë një ndeshje në mënyrën e duhur, nuk ishim aq të zotë sa jemi zakonisht në këtë sezon. Ndeshjen e kishim në “dorë”, pavarësisht disa topave që u humbëm shumë lehtë. Goli i tyre ishte një rastësi. Gabuam në shumë raste ku kishim epërsi numerike në sulm dhe më pas në shtesë ishim edhe të pafat pasi goditëm dy herë shtyllën.
Por, kështu funksionon kur e lë ndeshjen të hapur dhe më pas gjithçka komplikohet. Mund dhe duhej ta kishim mbyllur ndeshjen pasi Cremonese ishte e detyruar të linte hapësira pasi ishte në disavantazh. Fakti që jemi jashtë Kupës vjen vetëm prej faktit se luajtëm dhe treguam shumë më pak nga ajo që jemi në realitet”, u shpreh 66-vjeçari.
Lexo gjithashtu
