Laçi arriti të merrte një fitore të rëndësishme ndaj Teutës me rezultatin 0-1. Armando Cungu ka folur pas fitores në transfertë. Trajneri i Laçit deklaroi për mikrofonin e Supersport:
"Është e drejtë. Normalisht pas dy rezultateve aspak të pritshme, ekipi duhej të reagonte sepse kishim bërë një kampionat shumë të mirë duke arritur deri në vend të dytë dhe të tretë. Ishte në një farë mënyre detyrim për ta fituar ndeshjen. Duhet të komplimentoj djemtë për lojën. Patëm dy ndërrime të rëndësishme. Të dy ishin në harmoni, ishin në momente të mira. Jam i kënaqur me djemtë që hyjnë në lojë si Turkaj apo dhe Gjoni që bëri një lojë shumë të mirë pas duke na dhënë siguri në prapavijë.
Kur bën ndërrime të shpejta, s'është i lehtë për një trajner. Aq më tepër stresi shtohet se i humba shumë shpejt këta dy lojtarë kur kisha edhe 70 minuta lojë para. Mandej minutat janë stresuese sepse mund të mbesësh dhe me 10 lojtarë në fushë.
Sa i përket merkatos, janë afruar 3 lojtarë që kanë shtuar konkurrencën në skuadër. Nuk të dhemb koka për të bërë një lëvizje, shton forcën dhe etjen e ekipit për të vazhduar përpara. Sa i përket objektivave, ky ekip i ka potencialet për të qenë në Kupat e Europës", përfundoi ai.
Lexo gjithashtu
