Sot në orën 16:00 luhen 5 ndeshjet e javës së 36-të të Abissnet Superiore, ku përveç Kastriotit i cilë është zyrtarisht i rënë një kategori më poshtë asgjë tjetër nuk e ka thënë ende fjalën e fundit.
Teksa Partizani dhe Tirana janë ende në garë për të rrëmbyer trofeun më të rëndësishëm të futbollit. Bardheblutë shpresojnë në një hap fals të të kuqve dhe kështu do të kenë mundësi të fitojnë për të dytin vit rradhazi.
Nga ana tjetër Partizanit i duhet fitorja me çdo kush duke bërë kështu të mundur arritjen e titullit të 17-të në historinë e klubit.
Ndeshjet luhen në distancë nga njëra-tjetra, teksa Partizani pret në “Arenën e Demave” Teutën, Tirana udhëton drejt Durrësit për t’u përbllur me Erzenin në stadiumin “Niko Dovana.
E gjendur në këto kushte Federata Shqiptare e Futbollit ka vendosur të përgatitet për të dy skenarët e mundshëm duke bërë gati dy palë medalje dhe dy trofe. Njëra palë do të qëndrojë në kryeqytet ndërsa pala tjetër do të shkojë në Durrës. Por në fund fare vetëm njëri nga trofet do të ngrihet në qiell.
Lexo gjithashtu
