Pas humbjes me Vllazninë, ka folur për mediat dhe trajneri i Lushnjes, Artan Bano. Bano tha për "Supersport'' se shkaku kryesor i humbjes së ndeshjes ishte ngarkesa psikologjike e lojtarëve dhe jo kualiteti, duke surprizuar kështu gazetarët në studio. Trajneri përmendi gjithashtu se edhe pse me buxhet të vogël, skuadra është korrekte me pagesat e lojtarëve, kështu që ska asgjë për tu shqetësuar.
''Mendoj që kjo ishte ndeshja me e dobët e jona, ishim më të ngarkuar seç duhet ky ishte shkaku, futbollistët nuk dhanë maksimumin.
Ndikoi shumë ngarkesa psikologjike, sa filloj pjesa e dytë u ndëshkuam shumë, kur ne pretendonim që të përgjigjeshim. Atë që duhet të bënim te porta e kundërshtarit e bëmë në portën tonë. Faji është i joni dhe mendoj se duhet t'a rikthejmë me anën psikologjike të paktën.
Ne jemi korrekt me pagat kjo ka rëndësi, është e vertetë që kemi buxhet të vogël por të paktën jemi korrekt. Ndikoi dhe stadiumi, se në Lushnje do kishim tifozeri më të zjarrtë.
Sot nuk dhamë as 50% tonë'', përfundoi trajneri
Lexo gjithashtu
