Goglat për shortin e Euro 2024 vënë Shqipërinë në një grup me Spanjën, Kroacinë dhe Italinë. Një grup “ferri” është konsideruar. Të gjithë kundërshtarët janë të fortë dhe emra që kanë shkruar historinë në këto kompeticion, por kombëtarja shqiptare do të luajë shanset e saj në Gjermani.
Sylvinho theksoi menjëherë pas shortit se kuqezinjtë do të bëjnë maksimumin dhe do të luajnë pa frikë përballë kundërshtarëv. Pikërisht braziliani ka dhënë një prononcim të shkurtër për “Marca”. Timonieri i kuqezinjve theksoi se çdo grup do të ishte “ferri” për kombëtaren tonë, por në Gjermani do të ketë shumë mbështetje, pasi atje jetojnë shumë shqiptarë.
“Në Gjermani ka shumë shqiptarë dhe do të jetë bukur t’i shikojmë në stadium. Shqipëria merr pjesë për të 2-ën herë në Europian, por tashmë është rritur. Shqipëria është një vend entuziast. I mbyllëm kualifikueset para Polonisë e Çekisë, që janë shumë të forta. Në “Euro 2024” duhet të tregojmë forcën tonë, nuk do të jetë e lehtë. Spanja ka shumë cilësi, më pëlqen dhe ka tjetër nivel”, ka theksuar braziliani.
Lexo gjithashtu
