Massimiliano Allegri nuk ka ndërmend të largohet nga drejtimi i Juventus. Trajneri italian ishte i qartë në fjalën e tij pas humbjes 2-0 me Maçabi Haifa e vlefshme për fazën e grupeve të Champions League.
Ai ka vënë theksin te individualiteti i ekipit duke kërkuar reagim nga skuadra. Për "Sky Sport", trajneri i Juventus ka thënë:
"Vështirë për t'u shpjeguar, thjesht duhet të heshtim sepse nuk patëm një paraqitje të mirë nga pikëpamja e karakterit. Duhet të dalim nga kjo situatë dhe të heshtim. Nuk është çështje teknike apo taktike, i mungon zemra dhe pasioni. Ne luajmë shumë individualisht, duhet të kthehemi në skuadër”.
Deklarata e presidentit? Ai ka të drejtë, ishte pjesa e parë më e keqe. Herë pas here duhet të tërhiqemi, kemi më shumë kohë për të punuar dhe nuk është e drejtë të bëjmë këto paraqitje.
Dorëheqje? Jo, sfida kur bëhet e vështirë është edhe më e bukur.. Duhet të vijojmë me guxim dhe dëshirë", ka përfunduar ai.
Lexo gjithashtu
