Ernest Gjoka ka dhënë një prononcim para nisjes për fazën përgatitore drejt Ulqinit. Trajneri i Vllaznisë ndër të tjera ka folur për sulmuesin afrikan Charles Atsina dhe mesfushorin Arsid Kruja që nuk u përfshinë në listën e lojtarëve që do të udhëtojnë drejt Malit të Zi. Tekniku kryeqytetas me sa duket nuk i ka më në planet e tij dhe për këtë u shpreh:
"Atsina, i larguar përfundimisht? Ky lojtar nuk do të jetë më pjesë e jona. Pretendonim shumë nga ai futbollist, por nuk na dha gjë. Në planet e skuadrës A nuk është më, ndoshta i shërben Vllaznisë B.
Kruja? Mund të gjejë ndonjë skuadër tjetër, ku të ketë më shumë aktivizim, sepse kjo gjë i duhet për momentin këtij futbollisti", deklaroi ai.
Poll
Lexo gjithashtu
