Bayern Munich është në proces rinovimi të një skuadre që nuk i ka përmbushur pritshmëritë gjatë dy sezoneve të fundit, në të cilat ka arritur të fitojë vetëm titullin e ligës në Gjermani.
Pas nënshkrimit me Konrad Laimer (Leipzig), Raphael Guerreiro (Dortmund) dhe Kim Min-Jae (Napoli) edhe pse për këtë të fundit mungon zyrtarizimi, skuadra bavareze po përgatit edhe një “rrugëdalje” për lojtarët.
Për habinë e shumë tifozëve një nga emrat që mund të largohet nga rekordmenët gjerman është Leon Goretzka. Në “Allianz Arena” do të ishin të gatshëm t’i hapnin derën e daljes gjermani nëse do të merrnin një ofertë që plotëson pretendimet e klubit.
Trajneri Thomas Tuchel nuk do të ishte shumë i bindur për ish-lojtarin e Schalke 04 dhe do të prferonte Laimer përkrah Joshua Kimmich në mesfushën e gjashtë herë kampionit të Europës.
Lexo gjithashtu
