Oltijon Kërnaja ka folur pas barazimit 1-1 kundër Vorës, e vlefshme për javën e pestë të Kategorisë së Dytë.
Tropojanët ishin pranë fitores, nëse Englentin Gjoni nuk do të kishte barazuar shifrat në minutën e 89-të. Trajneri nuk i trembet vorakëve, pavarësisht investimit gjigant. Në prononcimin e dhënë për RTSH Sport, Kërnaja deklaroi:
“Sa herë ka goditur kundërshtari? Ne jemi ekip me 0 humbje. Është investuar jashtëzakonisht shumë. Kemi lojtarë me eksperiencë. Sefgjini, Çutra, Jaupaj etj kanë qenë lidera në Kategorinë e Parë.
Ne do të dalim në Kategorinë e Parë në sezonin që vjen. Vora nuk më frikëson. Nuk është ekip që të fut frikën. U rraf në Shën Koll. Skuadra ime është i formuar këtë vit. Sopoti është më i vështirë se Vora”, tha ai.
Lexo gjithashtu
