Gentian Mezani ka folur pas humbjes 1-0 në transfertën kuksiane. Trajneri i njohur i Laçit shpjegoi këtë disfatë të ekipit të tij, e para në krye të pankinës bardhezi.
Në prononcimin e zakonshëm për Oversport, vlonjati tregoi se çfarë nuk kishte shkuar në fushën e blertë. Në fjalën e tij për mediat, Mezani deklaroi:
“Kemi qenë disi jo në ritmin tonë. Më pëlqeu reagimi i skuadrës në pjesën e dytë. Nëse do të kishim fat, do të kishim marrë rezultat tjetër. Nuk na falet se ishim në një moment të mirë. T’i përmirësojmë gabimet sa më shpejt për të mos i përsëritur më. Nuk jemi futur në fushë për ta pritur Kukëisn. Jemi futur për të sulmuar dhe fituar. Donim rezultat pozitiv. Siç u pa, skuadra nuk e interpretoi mirë. Kundërshtari nuk na vuri shumë në vështirësi. Duhet të ishim më agresivë, më në ritëm. T’ia lëmë fushës atë që meritojmë. Mendoj që kishim mundësi për një rezultat tjetër. Donim ta mbyllnim mirë këtë vit. Të rikuperojmë gabimet e bëra.
Afrimet? Ne nuk kemi pushime. Do të vazhdojmë të punojmë. Më pas të shohim dhe të veprojmë. Për momentin na duhet shumë punë akoma.
Guindo? Me ardhjen e tij është diçka pozitive për sulmin. Do të kisha dashur një sulmues tjetër në pankinë. Nuk e kishim. Sa më shpejt t’i bashkohet grupit dhe të vijojmë punën intensivisht”, tha ai.
Lexo gjithashtu
