Kastrioti barazoi 0-0 me Tiranën në shtëpi, ndeshje e vlefshme për javën e katërt të Superiores. Një sfidë e mirë nga të besuarit e Emiliano Çelës që luajtën si të barabartë përballë kampionëve të Shqipërisë.
Pas takimit ka folur trajneri i krutanëve, i cili u shfaq i lumtur për performancën, bashkë me pikën e marrë ndaj bardhebluve. Për mikrofonin e Oversport, Çela tha:
“Me thënë të drejtën për mënyrën se si shkoi loja, rezultati i përgjigjet më së miri. Rastet më të rëndësishme gjatë ndeshjes, i patëm ne. Në pjesën e parë patëm probleme në ndarjen e linjave të presingut. Patëm probleme ndoshta edhe për shkak të cilësive të kundërshtarit. Mesfusha është burimi i energjisë. U munduam ta krijonim atë rezistencën tonë. Në pjesën e dytë bëmë mjaft mirë. Është e patolerueshme që rasti i fundit të Tiranës, mënyra se si u vendosëm. Për mendimin tim barazimi ishte rezultati i drejtë. Kemi marrë 1 pikë ndaj kampionëve të Shqipërisë.
Egnatia – Vllaznia? Janë dy ekipe të mira sidomos në fushën e vet. Janë skuadra agresive që kanë shumë vrull. Kanë një mënyrë loje. Të gjitha fushat në Superlige janë të forta, kanë investuar. Ne nuk ecim fare me kalendar në dorë. Ndaj çdo kundërshtari do të bëjmë maksimumin tonë. Janë disa ekipe si Bylisi, Erzeni apo ndoshta dhe Teuta, që nuk jam ndeshur. Janë skuadra që na vënë në pozita sulmuese. Janë ekipe që na presin. Kështu 30 përqind e ekipeve të Superligës përgatisin disa mënyra loje.
Objektivat? Është shpejt për të shpallur objektiva. Është ende java e katërt. Megjithatë në Shqipëri gjërat kërkohen shpejt. Pavarësisht se kemi ruajtur grupin, kemi futur disa mënyra të tjera loje. Për objektiva është shumë herët për të folur. Kemi disa ndeshje të rëndësishme përpara. Le të shohim pikët që do të mbledhim për të dalë në objektiva konkretë”, tha ai.
Lexo gjithashtu
