Tirana e çoi Muzakën në CAS, ja sa mund të zgjatë procesi dhe kur do të vijë përgjigjja për çështjen “e nxehtë”

Klubi i Tiranës dhe Gjergji Muzaka do të takohen në CAS. Ish-mesfushori bardheblu fitoi çështjen në Dhomën e Zgjidhjeve të Konfikteve në FSHF për pretendimet e tij për rrogat e prapambetura nga klubi kryeqytetas.

Por, drejtuesit bardheblu nuk kanë qenë dakord me vendimin e fundit dhe e kanë dërguar çështjen në CAS. Palët do të nisin së shpejti një proces gjyqësor që do të zgjatë nga 8 deri në 10 muaj. Pas kësaj periudhe do të jepet edhe vendimi përfundimtar se cila prej palëve ka të drejtë.

Fakti që në Gjykatën Sportive në Lozanë (CAS) ka shumë çështje për t’u shqyrtuar mes futbollistëve dhe klubeve në Europë, bën që edhe gjyqi Tirana-Muzaka të kërkojë kohë deri në dhënien e veriktit final.