Tifozi serb niset me biçikletë për në Elbasan, për të ndjekur skuadrën e zemrës. Dragan Sibalic është një tifoz i flaktë i Partizanit të Beogradit, që më shumë njihet për udhëtimet e gjata që ka bërë me bicikletë. Me këtë mjet ai ka shkuar edhe në Japoni duke përshkuar 16 mijë kilometra.
Tani ai është nisur me biçikletë për në Shqipëri në mënyrë që më 19 tetor të ndjekë futbollistët e skuadrës së zemrës në Elbasan, kundër Skënderbeut, në javën e tretë të kompeticionit europian.
“Fillimisht do të shkoj në Boljevc, ku nesër bardhezinjtë luajnë ndeshje të Kupës së Serbisë kundër Rtinja, pastaj nisem për në Nish, Surdulicë, që gjatë fundjavës të ndjek ndeshjen kampionale kundër Radnik.
Rrugën do ta vazhdoj nëpër Kumanovë, Shkup dhe Ohër, deri në Elbasan”, – ka thënë Shibalic për mediat serbe. Ai, në vitin 2014, me biçikletë kaloi turin nëpër Moskë dhe Krasnodar deri në Stamboll për të ndjekur bardhezinjtë në Euroligën e basketbollit. “Shpresoj që ekipit të Miroslav Xhukic t’i sjell fat në Shqipëri.
Seriozisht po mendoj që pas kthimit të shkoj në Kiev, në ndeshjen kundërDinamos”, – ka treguar tifozi serb i Partizanit të Beogradit, Dragan Shibalic, për gazetën “Kurir”.
Lexo gjithashtu
