Ismail Morina, i njohur si "Ballisti" dhe për autorësinë e ngritjes së dronit në Beograd më nëntor të vitit 2015, vazhdon të jetë pas hekurave në Kroaci, aty ku qëndron i ndaluar prej afro një muaji.
Morina ka dalë tri ditë më parë në Gjykatën e Shkallës së Parë të Dubrovnikut, ku togat e zeza kanë vendosur ekstradimin e tij në Serbi, pasi sikundër dihet prej afro dy vitesh në emër të këtij shtetasi ka një urdhër ekstradimi nga shteti serb lidhur mbi ngjarjen e ndeshjes Serbi-Shqipëri ku ngritja e një droni me një baner të mbishkruajtur Autochtonus solli trazira në stadium dhe më pas ndërprerjen e ndeshjes.
Pak minuta më parë tifogrupi “Illyrian Elite” ka publikuar një lajmërim në faqen zyrtare, ku paralajmërojnë protest masive para Kryeministrisë ditën e nesërme, ku njofton të gjithë pa dallim tifogrupi të mblidhen për të kërkuar lirimin e menjëhershëm të Ismail Morinës.
Postimi i tifogrupit "Illyrian Elite" në Facebook
“Protest per Ballistin! Ballist Morina, heroi yne i Beogradit ai qe beri krenar çdo Shqiptar kudo ne bote, sot vendoset qe te ekstradohet ne Serbi nga shteti Kroat. Ne si Shqiptar nuk duhet ta lejojme kurrsesi te ndodhe dicka e tille dhe duhet te jemi ne krahe te vellait tone Ismailit. Neser te mblidhemi te gjithe pa dallim tifogrupi, te gjithe qe e ndjejm veten Shqiptar te mblidhemi perpara kryeministris per nje proteste masive. I bejm thirrjet kryeministirt dhe organeve te shtetit te veprojne sa me shpejte dhe mos te lejojne te ndodh ekstradimi i Ballistit. 29.7.2017. Vendi: te Kryeministria. Ora : 19:00.”
[gallery columns="1" size="full" ids="131112"]
Lexo gjithashtu
