Mentor Mazrekaj ndodhet në Prishtinë teksa po shijon pushimet verore. I lindur për të qenë talent, duke magjepsur me një prekje të topit. Por, kjo nuk mjafton për të qenë lojtar profesionist. Rregulla për të nuk ka e ndoshta kjo mund t'i kushtojë karrierën në Shqipëri. Para disa ditësh fantazisti u shfaq në një nga kalçetot e Prishtinës duke u aktivizuar në një mini-turne, duke thyer në këtë mënyrë rregullat e vendosur nga klubi i Partizanit.
Por përveç kësaj, 28-vjeçari ka vuajtur për një kohë të gjatë një dëmtim që e ka lënë për shumë kohë jashtë fushës së blertë dhe këtë radhë ka rrezikuar seriozisht sërish. Tashmë Luçiano Moxhi ka në dorë "çelsat" e klubit të kuq dhe do të jetë ai që do të marrë një vendim për Mazrekajn. E sigurt është që mesfushori nuk do të shpëtojë nga një ndëshkim.
Lexo gjithashtu
