Sipas “Tot Costa”, Lionel Messi është një “opsion i vërtetë” për Barcelonën gjatë merkatos së verës. Messi u largua nga Barça në verën e vitit 2021 pasi klubi nuk arriti të rinovonte për shkak të problemeve financiare. 35-vjeçari nënshkroi për PSG-në në një marrëveshje dyvjeçare dhe tashmë kontrata aktuale i përfundn në qershor.
Thashethemet për një rikthim të mundshëm në Barcelonë kanë fituar peshë çdo ditë që kalon, pasi shtatë herë fituesi i “Topit të Artë” dëshiron të mbetet në Evropë, që do të thotë se opsionet e MLS, Argjentinës dhe Lindjes së Mesme mbeten jashtë tavolinës së tij të diskutimeve.
Madje raportohet se Messi ka prioritet rikthimin te Barça , edhe pse në këtë moment e vetmja ofertë konkrete që ai ka përballë është ajo e PSG-së. Katalanasit po ëndërrojnë të rikthejnë legjendën e klubit të tyre për një kërcim të fundit. Megjithatë, financat nuk e bëjnë të lehtë pasi Blaugranët duhet të ulin faturën e pagave të tyre me një shumë të madhe përpara se të mendojnë për blerje të reja.
Por rikthimi i mundshëm i “Pleshtit” shihet si një 'opsion real' tani dhe gjërat ngadalë kanë filluar të ecin përpara. Vetëm koha do të tregojë nëse gjithçka do shkojë siç duhet dhe që kampioni i botës të kthehet apo jo në “Camp Nou”.
Lexo gjithashtu
