Lushnja u ka dhënë dje dorën e fundit përgatitjeve për takimin që sot do luajnë ndaj Teutës, takim i vlefshëm për javën e 17-të të kampionatit në Superligë, që do të luhet në orën 14:00. Problem për lagunarët mbetet një fushë ku skaudra mund të zhvillojë normalisht senacat stërvitore.
Grupi i futbollistëve ditët e fundit ëshët stërvitur në aneksin pranë stadiumit "Roza Haxhiu", ku kushtet nuk janë aspak të favorshme për të zhvilluar normalisht seancat stërvitore. Kjo gjë ka lënë shije të hidhur te skuadra e cila nuk ka mundur të marrë maksimumin.
Problem mbetet fakti se nuk dihet se sa do zgjasë kjo situatë. Edhe pse kerkesat kanë qenë të shumta për gjetjen e një zgjidhje, ende nuk ka një vendim përfundimtar. Nga ana tjetër, kryebashkiaku Fatos Tushe ka premtuar se kjo situatë do gjejë zgjidhje, por pa përcaktuar një afat se kur problemi i lagunarëve do të marrë fund.
Lexo gjithashtu
