Pas disa ditësh stërvitje në Austri, Skënderbeu do të luajë miqësoren e parë të fazës përgatitore. Nesër, në orën 17:00, korçarët do të përballen me kroatët e Rijekës, skuadrën e futbollistit të Kombëtares, Odise Roshit, pasi Bekim Balaj tashmë është larguar për në kampionatin rus. Eshtë një test shumë i rëndësishëm për kampionët, ku trajneri i ri, Andrea Agostineli, do të ketë mundësi të shohë çdo futbollist në “aksion”. Kjo miqësore do të tregojë më qartë se deri ku është Skënderbeu me përforcimet dhe se ku duhet të ndërhyjë më pas. Për këtë arsye, drejt Austrisë ka udhëtuar sot edhe presidenti Ardjan Takaj, i cili do të ndjekë nga afër ekipin e tij, tashmë me shumë ndryshime, në testin e parë. Në Austri kampionët do të luajnë edhe me Karabakun dhe Makabin e Tel Avivit.
Lexo gjithashtu
