Tërbuni ra në një kategori më poshtë pas një sezoni të dobët në Superiore. Skuadër që përveç barazimit me Partizanin në Pukë dhe fitores në me Skënderbeun në Korçë, nuk dha asgjë tjetër pozitive, ndërsa e mbylli sezonin si ekipi që pësoi më tepër gola. Pra, siç erdhi ashtu edhe iku nga elita e futbollit shqiptar, pa lënë gjurmë.
[caption id="attachment_14736" align="alignleft" width="300"]
Petrit Syla, ish-presidenti i Tërbunit[/caption]
Por, sot çështja është edhe më e thellë, Tërbuni rrezikon të shkrihet. Është pronë e bashkisë së qytetit që pas largimit të familjes Frroku nga drejtimi, ndërsa po njeh vetëm ditë të zeza në historinë e tij. Tifozët janë organizuar në faqen zyrtare dhe me anë të një deklarate akuzojnë kreun e bashkisë për atë që po ndodh. Nga ana tjetër, ata kërkojnë që të kthehet biznesmeni Petrit Syla në krye të skuadrës për të mos e lënë që të shkrihet. Nuk dihet sesi do të shkojnë punët me ish-presidentin e pukjanëve, por për momentin ai është duke u marrë me bizneset e tij dhe gjasat janë të ulëta që ai të afrohet me futbollin sërish.
"Duke ju kërkuar ndjesë për mungesën e gjatë dhe për apelin që duhet bërë nga stafi i faqes tonë për gjendjen e ekipit ku ndodhet, po e fillojmë direkt me sulmin më të ashpër drejtuar bashkisë e cila ka lëshuar hipotezën qe ekipi duhet shkrirë, kjo është një marrëzi që nuk duhet shkuar nëpër mend sepse kjo do ishte një vetvrasje morale dhe fizike për ju! Duhet ta dini ju po tentoni të shkelni djersën e atyre që e sollën deri në majat më të larta, duhet ta dini që po shkelni historinë, besnikët e ekipit dhe 5000 tifozat e pa përsëritshëm që qytetet e tjera si Puka as në ëndërr nuk i kanë parë, nqs ju nuk do reagoni ne nuk do ndalemi këtu, do t'ju demaskojmë publikisht në këtë faqe për të gjitha skandalet që ndodhën gjatë këtij sezoni me emra dhe me dëshmitarë. I bëjmë thirrje z.Petrit Syla i cili ka qenë gjithmonë i gatshëm për ta shpëtuar klubin, që ta shpëtojë nga këta njerëz të papërgjegjshëm për hir të tifozave! FORCA TERBUNI 1936!", thuhet në deklaratën e tifozëve.
Lexo gjithashtu
