Kategoria e Parë e futbollit ka mbyllur dje javën e dhjetë. Në ndeshjen mes Ilirisë dhe Turbinës, luajtur në Fushë-Krujë, kanë qenë vendasit që kanë triumfuar me rezultatin minimal 1-0. Një gol i Pashës në minutën e 12 ka mjaftuar për Ilirinë, që ka vuajtur gjatë gjithë kohës presionin e Turbinës.
Në fund të pjesës së parë, teksa ekipet po iu drejtoheshin dhomave të zhveshjes, ka menduar shefi i klubit të Turbinës që të tensiononte situatën. Ëngjëll Belshi iu vërsul katërshes së arbitrave me kryesor Yzeirajn, duke pretenduar për gjykim tendecioz kundër tyre. Në këtë moment kanë ndërhyrë forcat e rendit, duke vendosur në normalitet situatën. Të shumta janë rastet kur ndodhin incidente në futbollin tonë, duke qenë zyrtarët e klubeve protagonistët kryesorë.
Lexo gjithashtu
