U zhvillua sot në zyrat e KOKSH ceremonia zyrtare e dorëzimit të flamurit kombëtar për ekipin shqiptar Team Albania, që do të marrë pjesë në Lojërat Europiane 2023, që do të zhvillohen nga data 21 Qershor deri më 2 Korrik në Poloni.
Shqipëria është një nga 48 shtetet që do të marrë pjesë në Edicionin e 3-të Lojërave Evropiane 2023.
Team Albania do të përfaqësohet me 11 sportistë, që pretendojnë medalje në 7 disiplina (Boks, Karate, Taekwondo, Qitje, Padel, Teqball dhe Skermë. Në tre sportet e fundit Shqipëri merr pjesë për herë të parë në një event të tillë ndërkombëtar.
Ministrja e Arsimit dhe Sportit Znj. Evis Kushi i dorëzoi Flamurin Kombëtar sportistit Alban Beqiri, i cili do të jetë dhe flamurmbajtësi gjatë ceremonisë së hapjes së Lojërave Evropiane për Team Albania.
Në këtë ceremoni morën pjesë edhe Ambasadorja e Republikës së Polonisë në Shqipëri, znj. Monika Zuchniak-Pazdan, Nën kryetari i Bashkisë Tiranë, Z.Andi Seferi , zv.President i KOKSH Z. Erllind Pëllumbi, si dhe zyrtarë te tjerë të federatave kombëtare.
Lexo gjithashtu
