Te Vllaznia janë mobilizuar në maksimum për ndeshjen me Partizanin, që luhet më 28 janar ora 17:00. “Loro Boriçi” pritet më i mbushur se asnjëherë ketë sezon dhe objektiv i vetëm shihet fitorja.
Për klubin ka folur tifozi i “flaktë” Gëzim Çoçja, që e mbështet Vllazninë prej 50 viteve. Ai bën thirrje për mbështetje, ndërsa tregon për situatën e mirë që po kalojnë.
Fjala e tifozit tifozit të Vllaznisë:
Me këtë rast i bëj thirrje të gjithëve në stadium, që ta bëjmë ditë feste fitoren me Partizanin. E gjithë Shkodra e pret me vëmendje të madhe këtë takim. Duke parë dhe ndeshjen e parë që e kemi humbur dhe me rezultat të thellë, besoj se mobilizimi i ekipit është në maksimum.
6 fitore radhazi, e 7-ta?
Besimi është i plotë, ekipi i mobilizuar, besoj do dalim të gëzuar nga ky takim.
Do vazhdojë kjo ecuri?
Ne e kemi pritur më përpara. Besoj ky ekip ka ardh në parametrat e tij. Ekipi i kompletuar, lojtarët po merren vesh me njëri-tjetrin. Nuk ka dilemë, besoj fitorja është e jona.
Nëse deri tani janë zhgënjyer me rezultatet, tani nuk kanë arsye mos me ardh në stadium. Rezultatet janë, vendi i tretë është, me fitu me Partizanin dhe konsolidohet. Duhet t’i rrahim dhe me tifoza ne ato, kjo është idea, prandaj bëhet thirrja “hajdeni në stadium”. T’i rrahim me tifozë.
Lexo gjithashtu
