Ditën e sotme u lajmërua një ndeshje miqësore mes Flamurtarit dhe të dënuarve që vuajnë dënimin në burgun e Fierit, në kuadër të bashkëpunimit mes këtij institucioni dhe klubit vlonjat.
Një ngjarje kryesisht sociale sesa sportive, me qëllim riintegrimin e këtyre njerëzve pas përfundimit të vuajtjes së dënimit. Ndërkohë që pas takimit përpara kamerave kanë dalë së bashku drejtori i Përgjithshëm i Burgjeve z. Arben Çuko dhe administratori i Flamurtarit z. Sinan Idrizi të cilët kanë falenderuar njëri-tjetrin për këtë aktivitet.
"Dua të falenderoj zotin Idrizi për këtë bashkëpunim shumë domethënës për ne dhe këtë mundësi të pamenduar më parë. Ky është një aktivitet shumë i rëndësishëm kulturor për t'i ndihmuar dhe përgatitur këta njerëz për jetën pas daljes nga burgu dhe riintegrimin e tyre", ishin fjalët e drejtorit Çuko.
Ndërkohë Idrizi nga ana e tij u shpreh se kjo ishte shumë e rëndësishme edhe për klubin e Flamurtarit duke i kthyer falenderimet për z. Çuko. "Në fakt falenderimet u takojnë drejtorave. Kishim rreth 2-3 muaj që punonim për këtë histori, që është mbi të gjitha një mision civil për klubin tonë", u shpreh në fjalën e tij administratori i klubit vlonjat.
Lexo gjithashtu
