Anësori, Ilir Tartari ishte një prej gjyqtarëve të takimit Flamurtari-Vllaznia. Ai ka pretenduar se është dhunuar dhe kërcënuar nga familjarë të administratorit të klubit vlonjat, Sinan Idrizi.
Vetë asistenti ka dhënë një prononcim mbrëmjen e djeshme për emisionin "Zona Gol" ku konfirmoi edhe njëherë atë që ai tha pas ndeshjes.
- Ju ishit një nga të dëmtuarit dje në stadiumin Flamurtari. Çfarë ndodhi dje në Vlorë?
Unë u futa i pari në tunel, për të shmangur ndonjë përplasje të mundshme mes lojtarëve dhe në këto momente pashë Sinan Idrizin që po konfliktohej me policinë, duke u hakërryer edhe ndaj tyre, që kërkonin të mos e lejonin të afrohej drejt meje. Në këtë kohë vjen dikush dhe më godet me grusht. Nxitoj për në dhomat e zhveshjes, por vjen edhe një tjetër dhe më godet sërish. Më vonë mora vesh se bëhej fjalë për kunatin e Presidentit Idrizi dhe shoferin e këtij të fundit.
- Po gjatë lojës pati probleme?
Ndeshja shkoi shumë mirë dhe unë mendoj se nuk klasifikohej si problematike. Ishte diçka e papritur prej meje, ajo dhunë në dhomat e zhveshjes.
- Presidenti Idrizi tha se ju kishit sharë me libër shtëpie vlonjatët...
Ju keni video-t e transmetimit të ndeshjes dhe të paktën mimikën time mund ta shikoni dhe të verifikoni nëse kam sharë apo jo. Unë isha i qetë gjatë gjithë lojës dhe nuk e kam as në natyrë që të shaj apo të bëhem protagonist në të tilla raste.
Lexo gjithashtu
