Ditën e sotme ka nisur puna për riparimin e tapetit "Loro Boriçi". Sipas shkodrasport.com fusha e impiantit të rikonstruktuar nuk do të zëvendësohet tërësisht, por do të rregullohet gjendja aktuale e tij nëpërmjet shtimit të imputeve bujqësore në mënyrë që të bëhet lidhja e barit me bazamentin e tokës. Mësohet se firma që kishte marrë në dorëzim punimet, nuk ka hedhur shtresën e dheut të butë që shërben për të lidhur rrënjët e barit me tokën.
Problemi kryesor në "Loro Boriçi" dhe ashtu siç e vunë në dukje edhe lojtarët spanjollë është se bari nuk ka lëshuar rrënjë poshtë dhe prandaj ai copa-copa lart në momentin që lojtarët rrëshqasin. Gjithashtu bëhet me dije që stadiumi do të jetë gati për ndeshjen e 12 nëntorit kundër Izraelit.
Poll
Lexo gjithashtu
