Kampionati kombëtar i Kategorisë Superiore, do të ketë edhe një risi krejtësisht të veçantë në edicionin e sivjetshëm. Sektori i Garave, në Federatën Shqiptare të Futbollit, ka menduar që gjatë ndeshjeve të këtij kampionati, të përdoren tabela të reja elektronike, për ndërrimet e futbollistëve dhe akordimin e minutave shtesë. Për herë të parë në Shqipëri, këto tabela do të jenë të unifikuara në pesë ndeshjet e Kategorisë Superiore.
Tabelat elektronike, do të fillojnë të përdoren në ndeshjet e javës së tretë dhe në vazhdim. Sipas shefit të Sektorit të Garave, Lysien Nurishmi: “Tabelat do të jenë të personalizuara me logon e aktivitetit, pra me atë të Kategorisë Superiore”. Kjo është një tjetër risi, e cila e synon që të krijojë një linjë të personalizuar për këtë aktivitet. Më herët Sektori i Garave, ka vendosur që në fanellat e futbollistëve që aktivizohen në këtë kampionat të vendoset logo e Kategorisë Superiore.
Lexo gjithashtu
