Australiani Jack Miller me Honda ka qenë surpriza e Çmimit të Madh të Holandës në Moto GP. Në pistën e Assen australiani ka fituar çmimin e parë, i cili është i pari për të. Kjo garë ishte spektakolare për vet faktin që ra shumë shi, i cili bëri që komisarët pas 15 xhirosh ndërprenë garën.
Në vendin e dytë u rendit spanjolli Marc Marquez me Honda, i cili përfitoi nga gabimet e rivalëve në rinisjen e garës. I treti u pozicionua Scott Redding me Ducati, që la pas Pol Espargato dhe Andrea Iannone.
Jorge Lorenzo u rendit në vendin e dhjetë, ndërsa kjo garë duhet të harrohet nga të dy pilotët e Yamahas. Valentino Rossi ishte shumë shpejtë në pjesën e parë, por pas ristarit të garës ai u rrëzua dhe nuk arriti që të marrë pikë. Kjo ndikon në renditje, pasi Marquez vazhdon shkëputjen dhe ia bën më të vështirë garën italianit për titullin e Moto GP.
