Ditën e sotme janë zhvilluar dy ndeshjet e fundit të javës së 18-të të Kategorisë Superiore për moshat deri në 21-vjeç.
Në orën 12:00 zbritën të parët në fushë, Partizani dhe Korabi në Kompleksin e të kuqve. Demat fituan me rezultatin minimal 1-0 me golin e Luis Birçaj por vlen të përmendet se dibranët vinin me shumë lojtarë nga ekipi A si bomberi kryesor Albers Keko që ka shënuar 10 gola në Kategorinë e Parë.
Në orën 14:00 u zhvillua edhe ndeshja mes Egnatias dhe Teutës që u fitua bindshëm nga durrsakët me rezultatin 0-5. Nga një dopietë personale për lojtarët e ekipit A, Aldrin Oshafi dhe Muço Boçi ndërsa goli tjetër erdhi nga Suel Çyrbja.
Këtë kampionat e kryeson Bylisi me 42 pikë ndjekur nga Vllaznia me dy më pak ndërsa me një diferencë të madhe prej 10 pikësh, vihen pas Partizani dhe Dinamo.
Lexo gjithashtu
