Tirana zhvilloi një ndeshje miqësore ditën e sotme me skuadrën e OFK Beograd, ndaj të cilës arriti të triumfojë me rezultatin 1-0. Në këtë takim u aktivizuan dhe dy sulmuesit serbë Rajkovic, i cili ishte bashkuar skuadrës ditën e djeshme dhe Miroslav Markoviç, i cili u afrua ditën e sotme te Tirana.
Marko Rajkoviç nuk ka bindur stafin teknik dhe me shumë gjasa nuk do ta kalojë provën. Ndërsa sulmuesi i ardhur ditën e sotme te bardheblutë ka lënë një shije të mirë te stafi teknik, megjithatë ai që do ta thotë fjalën e fundit për të ardhmen e tij te kryeqytetasit është trajneri Daja.
Miroslav Markoviç është 26 vjeç. Ai ka luajtur më së shumti në kampionatin serb, megjithatë sezonin e fundit ishte pjesë e skuadrës së Kallonit në Greqi në Ligën e dytë, me të cilin është aktivizuar në 14 takime dhe ka shënuar një gol.
Lexo gjithashtu
