Kundërshtari i Skënderbeut, Dinamo e Kievit udhëton sot drejt "Elbasan Arenës" me shumë mungesa, kjo për shkak se ekipi ukrainas është i qetë, pasi thuajse e ka siguruar kualifikimin dhe vendin e parë në grup. Pak orë para takimit, për mediat ukrainase ka folur sulmuesi e ekipit mik, Artem Besedin, i cili ka vlerësuar ekipin korçar, duke e cilësuar si të rrezikshëm në sulm, por nuk harron të theksojë se ekipi i Dinamos ka udhëtuar drejt Shqipërisë për ta fituar këtë takim.
"Luajmë një ndeshje pa tifozë dhe kjo është e pakëndshme. Edhe pse luajmë në transfertë, do të kishim dëshirë që stadiumi të mbushej. Ne kemi vetëm një objektiv, vendin e parë në grup. Skënderbeu ka një ekip të mirë teknikisht. Është një rival mjaft interesant, e mban shumë topin. Luan në shtëpi dhe ka nevojë për pikë, kështu që do të japë maksimumin. Ata do të luajnë në sulm. Për ne nuk do të jetë e thjeshtë dhe e rëndësishme është që të arrijmë një rezultat pozitiv", është shprehur Artem Besedin për mediat ukrainase.
Kujtojmë që Skënderbeu luan sot ndeshjen e radhës, e vlefshme për Europa League ndaj Dinamos në Kievit në "Elbasan Arena", në orën 21:05.
Lexo gjithashtu
