Te Roma “hallet” sa vijnë e shtohen. Dy sulmuesit kryesorë të skuadrës janë dëmtuar dhe do të mungojnë për disa javë. Sfida me Feyenoord u solli ters italianëve.
Paulo Dybala dhe Tammy Abraham u dëmtuann. I pari mori një dëmtim në shpatull, ndërsa i dyti vuan nga një problem muskulor.
Ylli argjentinas pritet të qëndrojë jashtë fushave për të paktën dy javë, teksa të shtunën do të kryejë edhe ekzaminimet e detajuara për të kuptuar se kur do të mund të zbresë sërish në fushë.
Megjithatë është e pamundur që të shpresohet për dy ndeshjet e radhës në kampionat dhe sfidën e kthimit ndaj Feyenoordit në “Olimpico” e planifikuar për më 20 prill.
Ndërkohë për Abraham lajm i mirë është fakti që nuk ka nevojë për ndërhyrje kirurgjikale. Gjithsesi sulmuesi anglez do të detyrohet të qëndrojë jashtë për të paktën 4-5 javë.
Këto mungesa përkthehen në telashe të mëdha për Jose Mourinhon, që ndodhet në një moment vendimtar të sezonit me Romën e tij dhe do të duhet të bëjë pa dy prej titullarëve të sulmit.
Lexo gjithashtu
