Stadiumi i Shkodrës, "Loro Boriçi", ka marrë dje "Ok"-in nga inspektorët e UEFA-s për zhvillimin e ndeshjeve kombëtare dhe ndërkombëtare në këtë impiant. Problemi i vetëm kishte të bënte me parkingun pranë stadiumit, por që ka zgjidhje. Ajo që nuk është e pranueshme ka të bëjë me kapacitetin e stadiumit, pasi këtu ka një hile. Sipas "Panorama Sport", stolat nuk janë aq sa kanë bërë me dije publikisht drejtuesit e FSHF-së. Pra, nuk është 17.500 stola kapaciteti i këtij stadiumi, por ekzaktësisht 15.919 stola. Diferenca është e madhe, sepse bëhet fjalë për 1581 stola, pra për 1581 tifozë që nuk do të kenë mundësi të jenë në shkallët e këtij stadiumi të rikonstruktuar me shumë bujë. Edhe këtu nuk ka shkuar puna pa një mashtrim, siç e kemi zakon në të tilla raste. Në fund të fundit, nuk ka pse t'i shtojmë shifrat kot.
Lexo gjithashtu
