Ylber Ramadani dhe ekipi i Lecces nuk ia kanë dalë të marrin pikë përballë Romës, në ndeshjen e vlefshme për javën e 11-të të kampionatit italian. Sfida e zhvilluar në “Stadio Olimpico” të Romës, përfundoi me rezultatin 2-1 në favor të vendasve.
Si fillim që në minutën e 5’ të takimit, Romelu Lukaku u bë protagonist me një 11-metërsh, por duke e shpërdoruar. Pjesa e parë përfundoi në barazim pa gola. Me nisjen e pjesës së dytë Lecce u tregua më kërkuese duke gjetur dhe golin e avantazhit me anë të Almqvist në minutën e 72’ të takimit. Kur u mendua se ekipi i mesfushorit shqiptar po merrte një fitore të madhe, në minutën e 91’ dhe 94’ Roma barazoi dhe përmbysi gjithçka. Ishe Azmoun që risolli baraspeshën, teksa për përmbysjen mendoi Romelu Lukaku.
Përsa i përket Ramadanit, ky i fundit ishte titullar si gjithmonë në këtë sfidë, teksa luajti deri në fundin e saj. Në krahun tjetër për Medon Berishën, kapitenin e Shqipërisë U-21, nuk kishte asnjë minutë.
Me këtë fitore Roma shkon në vendin e 8-të në kuotën e 17 pikëve, ndërsa Lecce mbetet në vendin e 11-të me 13 pikë të grumbulluara.
Lexo gjithashtu
