Shqipëria mbylli Euro 2024 me 2 humbje 1 barazim. Me 1 pikë në total në 3 ndeshje, Kombëtarja jonë nuk ka ndryshuar vend në renditjen e FIFA-s. Kuqezinjtë pozicionohen përsëri në vendin e 66-të, por duke lënë pak për të dëshiruar.
Kombëtaren tonë e kanë lënë pas përfaqësuese si Kepi i Gjelbërt, Panamaja, Katari, Uzbekistani apo Mali.
Ndryshime të shumta ka pasur në TOP 10, aty ku Spanja është ngjitur me 5 vende duke shkuar e 3-ta. Ndërsa Argjentina mban vendin e parë, me Francën që renditet e dyta. 10-shen e plotësojnë, Anglia, Brazili, Belgjika, Hollanda, Portugalia, Kolumbia dhe Italia.
Ndërkohë që Gjermania, shteti pritës për Euro2024, mban vendin e 13-të. Megjithatë, ky është një përmiërsim për “Panzerat” pasi më parë ishin në vendin e 16-të.
Përsa i përket Kosovës, “Dardanët” kanë rënë me 1 vend në renditjen e FIFA-s. Ekipi i drejtuar nga Franco Foda renditet në vendin e 106-të, pas Mozambikut dhe Madakaskarit.
Lexo gjithashtu
