Arbër Hoxha është kthyer në një element të rëndësishëm për sulmin e Kombëtares. Dhe pse aktivizohet si zëvendësues, si ndaj Italisë dhe kundër Kroacisë ndryshoi fazën ofensive të kuqezinjve.
Hoxha u aktivizua nga Sylvinho në minutën e 85’, kur Shqipëria po mposhtet 2 me 1 nga Kroacia. Impakti ishte i madh në krahun e majtë të sulmit, nga ku u gatua goli i barazimit por dhe raste të tjera.
Kujtojmë se dhe ndaj Italisë, Arbër Hoxha u aktivizua si zëvendësues. Pikërisht në minutën e 68’, ndërsa sërish i shtoi vrullin fazën sulmuese të Kombëtares.
25-vjeçari është “benzina” që Kombëtarja ka nevojë në fundin e takimit. Sigurisht që sytë janë te Sylvinho. A është bindur braziliani për t’i dhënë vendin e titullarit?
Mbetet për t’u parë. Ndeshja me Spanjën vjen shpejt, pikërisht më 24 korrik ora 21:00 në Duseldorf. Kritikat mungojnë për Hoxhën dhe aktualisht për të fliten vetëm fjalë të mira.
Lexo gjithashtu
