Ukraina 1-2 Shqipëria
(Konoplya 49' / Ismajli 54', Asani 67')
Nations League
Grupi B1: Ndeshja I
Stadiumi: Epet Arena
Arbitër: L. Godinho (Por)
Shqipëria merr një fitore të artë përballë Ukrainës me rezultatin 1-2 duke e nisur me këmbën e mbarë rrugëtimin në Nations League. Kuqezinjtë zhvilluan një ndeshje në kufij të perfeksionit duke dominuar nga minuta e parë deri tek e fundit.
Pjesa e parë ishte shumë e luftuar me Shqipërinë që pati disa raste të arta me Laçin, Manaj e Asanin. Në të dytën u shënuan të 3 golat e sfidës me ukrainasit që kaluan të parët në avantazh. U deshën vetëm 5 minuta që Ardian Ismajli të rikthente baraspeshën dhe më pas magjiku Jasir Asani të shpërthente festën e madhe kuqezi me golin e përmbysjes.
Ndeshja e rradhës e Kombëtares do të jetë ndaj Gjeorgjisë, të martën në “Air Albania” aty ku tifozët shqiptar kanë ‘zaptuar’ çdo stol të tribunave.
Formacionet zyrtare:
Ukraina (4-1-4-1) – Trubin; Konoplyia, Zabarnyi, Matviienko, Mykolenko; Brazhko; Tsygankov, Shaparenko, Sudakov, Kabaev; Yaremchuk. Trajner: S. Rebrov
Shqipëria (4-3-3) – Strakosha; Hysaj, Ismajli, Kumbulla, Mitaj; Asllani, Ramadani, Laçi; Asani, Manaj, Bajrami. Trajner: Sylvinho
LIVE:
90+5' Përfundon ndeshja.
84' Yarmolenko gjendet i lirë brenda zone dhe godet Strakoshën, por aksioni anullohet për offside.
81' Krosim nga këndi dhe Rey Manaj godet me kokë ngjitur me shtyllën.
67' GOL SHQIPERIA! Rey Manaj pason ne zone aty ku gjendet bosh Jasir Asani i cili e dergon ne rrjete.
62' Tjetër këndore dhe sërish Ismajli godet portën duke gjetur të vëmendshëm portierin ukrainas.
59' Ismajli kthehet në hero, tashmë shpëton Shqipërinë nga goli i sigurtë.
54' GOL SHQIPERIA! Ardian Ismajli gjendet në vendin e duhur dhe shtyn topin drejt rrjetës.
53' Predhe e Manaj nga distanca, por gardiani ukrainas ben mrekulline.
49' Gol Ukraina! Konoplya ndëshkon Shqipërinë.
46' Nis pjesa e dytë.
45+1' Mbyllet pjesa e parë.
43' Strakosha thirret në detyrë dhe paraqitet më së miri duke devijuar një top në këndore.
42' Kristjan Asllan gjendet sërish brenda zone, por vonohet dhe humbet rrezikshmërine.
40' Krosim i saktë dhe Laçi devijon rrezikshëm me finte me topin që krijon iluzionin e golit, por prek vetëm rrjetën e jashtme.
39' Laçi gjen Asllanin brenda zone i cili godet, por devijon portieri në këndore.
31' E pabesueshme ç'humbet Jasir Asani, shans i artë për të kaluar në avantazh.
24' Aksion model i kuqezinjve me Asani, Laçi e Manaj me këtë të fundit që del i vetëm në zonë, por arbitri ngre flamurin për offside.
21' Laçi e Manaj ngatërrohen 2 metra larg portës, Shqipëria humbet një rast të artë.
8' Mitaj driblon bukur dy lojtarë dhe pason për Laçin brenda zone i cili godet me të parën, por shkon ngjitur me shtyllën.
1' Fillon ndeshja në Çeki, Shqipëria kërkon fitoren në start.
Lexo gjithashtu
