Çeki 2 – 0 Shqipëri (Chory 3', 63')
Kombëtarja shqiptare është mposhtur në transfertë nga Çekia, në sfidën e vlefshme për raundin e 3-të të Nations League. Ndeshja e zhvilluar në stadiumin “Epet Arena” të Pragës, përfundoi 2-0 në favor të çekëve.
Një ndeshje që nuk u nis aspak mirë nga kuqezinjtë që pësuan gol në minutat e para. Ishte Chory, i cili pas një pakujdesie në mbrojtjen shqiptare, përfitoi dhe dërgoi topin në fundin e rrjetës së Strakoshës që në minutën e 3-të. Pas këtij goli, minutat e mbetura të pjesës së parë ishin të zbehta, fraksion i cili u mbyll 1-0.
Me nisjen e pjesës së dytë Shqipëria u bë më kërkuese. Rastin më të artë e kishte Jasir Asani në minutën e 52-të, por “mëngjarashi” gaboi krejtësisht përballë portierit kundërshtar. Gjithashtu raste krijuan dhe Indrit Tuci me Krisjtan Asllanin, por pa rezultat. Për golin e dytë të çekëve mendoi përsëri Chory, i cili përfitoi nga një tjetër “përgjumje” e mbrojtjes sonë dhe dyfishoi shifrat në minutën e 63-të.
Një humbje që dhemb shumë për kuqezinjtë e Sylvinhos, për të cilët objektivi i vendit të parë në grup bëhet nje mision tepër i vështirë.
Nations League: Raundi 3
Stadiumi: Epet Arena
Arbitër: Benoit Bastien
FORMACIONET ZYRTARE:
ÇEKIA (3-4-3): Kovar: Vitik – Holes – Boril: Provod – Cerv – Soucek – Coufal: Sulc – Chory – Cerny. Trajner: Ivan Hasek.
SHQIPËRIA (4-2-3-1): Strakosha: Hysaj – Ismajli – Kumbulla – Mitaj: Ramadani – Asllani: Bajrami – Laçi – Asani: Daku. Trajner: Sylvinho.
LIVE:
63' GOL ÇEKIA! Shënon Chory.
52' Jasir Asani humbet rastin e artë.
24' Nedim Bajrami pranë golit.
3' GOL ÇEKIA! Shënon Chory.
1’ Nis sfida Çeki – Shqipëri në “Epet Arena” të Pragës.
Lexo gjithashtu
