Myrto Uzuni nuk di të ndalet në La Ligën 2.
Sulmuesi beratas shënoi sërish, për tu ngjitur në kuotën e 3 rrjetave në harkun e më pak se tre ditëve. Këtë herë, Uzuni realizoi një gol me tepër peshë, pasi i dha fitoren 3-2 Granadës në transfertën e Castellon.
29-vjeçari përktheu në gol penalltinë e fituar në minutën e 93 të sfidës. Me këtë fitore Granada ngjitet e dyta në renditje, ndërsa Uzuni në kuotën e 5 golave.
Edhe në pamje shihet qartë festa dhe entuziasmi që ka dhuruar goli i Uzunit në radhët e tifozëve.
Forma e beratasit gëzon edhe teknikun Sylvinho pasi pritet ta ketë në dispozicion për sfidat e nëntorit.
Myrto Uzuni është rikthyer në superformë nga dëmtimi që e mbajti jashtë fushave të lojës dhe në duelet e kombëtares kundër Republikës Çeke dhe Gjeorgjisë.
DON MYRTO UZUNI ❤️
— Mark | Guiri Granadinista (@G_Granadinista) October 22, 2024
2-3!!!! #GranadaCF | #CastellónGranada pic.twitter.com/aWwaY7yMZe
Lexo gjithashtu
