Armando Broja është në qendër të vëmendjes sërish këtë merkato, pasi Chelsea ka shprehur dëshirën për të shitur kartonin e tij. Interesim për shtatlartin shqiptar ka shprehur dhe Milani, që po kërkon për një qendërsulmues.
Këta e ka treguar dhe prestigjozja “La Gazetta dello Sport”. Gazeta italiane është hapur sot me foton e Brojës.
Kontrata e Brojës me Chelsean është e vlefshme deri në vitin 2028. Klubi londinez nuk duket se do heqë dorë lehtë nga sulmuesi shqiptar, pasi e ka treguar dhe me huazimet e tij.
Dhe për shumë tifozë shqiptarë që mbështesin Milanin, kjo do të ishte dëshirë e plotësuar. Kjo pasi me klubin historik italian janë një pjesë e madhe e futbolldashësve në vendin tonë.
Broja e ka kështu si ndeshje jete, atë me Italinë për Europian. Zyrtarë nga klubi i Milanit do jenë duke vëzhguar cilësitë e Brojës gjatë këtij Europiani. Kujtojmë se Kombëtarja shqiptare përballet me axurrët më 15 qershor ora 21:00.
Ky do jetë takimi i parë për përfaqësuesen kuqezi në grupin B. Të tjerët që pasojnë janë më 19 qershor kundër Kroacisë dhe më 24 qershor me Spanjën.
Lexo gjithashtu
